Solicitamos o seu permiso para obter datos estatísticos da súa navegación nesta web, en cumprimento do Real  Decreto-Lei 13/2012.

Se continúa navegando consideramos que acepta o uso de cookies

PortadaFacingFireprogramaA Universidade de Florencia organiza o primeiro evento multiplicador do proxecto Facing Fire (https://facingfire.eu), Workshop: aprendizaxe-servizo en temas ambientais, que terá lugar os días 7 e 8 de xullo de 2022.

Concibido como un espazo de intercambio de ideas, este evento gratuíto está aberto a calquera persoa interesada na aplicación de estratexias educativas innovadoras, como a Aprendizaxe-Servizo, para resolver problemas ambientais e mellorar a oferta educativa.

O público destinatario son profesorado e estudantado de universidades, centros de formación profesional, centros de ensino secundario, así como profesionais de administracións, ONGs, comunidades,... Todas as persoas relacionadas directa ou indirectamente co coidado da terra, como a educación, o medio ambiente (bioloxía, silvicultura, agronomía, enxeñaría ambiental), economía, comunicación están invitados a participar.

Este evento é un foro aberto e interactivo para o debate e a posta en valor da importancia da participación do alumnado na resolución de importantes retos e a multidisciplinariedade do proceso educativo. Este evento abordará cuestións tanto ambientais como socioeconómicas, culturais, educativas ou de comunicación.

A asistencia é gratuíta, pero require inscrición. Hai dúas opcións para participar: presencialmente ou en liña.

 

Máis información e inscricións en: https://facingfire.eu/first-multiplier-event-7-8-july-florence/

Programa (PDF)

 

FRONT OF THE FIRE (Aprendizaxe-Servizo para mellorar a formación e a empregabilidade na xestión dos incendios forestais no sur de Europa)

Convocatoria da Unión Europea Eramus KA203 (Asociación Estratéxica).

Proxecto REF. 2020-1-ES01-KA203-08321