Novas

Artigo de Laura Rego, Eva Barreira e Antonio Rial (GEFIL) no Monográfico "La Formación Profesional" da Revista Educar

cover_issue_64_es_ES.jpg

Recentemente, vén de publicarse un artigo de Laura Rego, Eva Barreira e Antonio Rial (grupo GEFIL) no Monográfico "La Formación Profesional" da Revista Educar.

Dito artigo titulado "La participación en la planificación territorial de la formación profesional del sistema educativo: la percepción de los agentes sociales", recolle os resultados dunha investigación na que se tratou de establecer a relación entre a FP do sistema educativo e o desenvolvemento económico nas contornas comarcais de Galicia.

Resumo e texto completo no seguinte enlace:

Ler máis...

“La sociedad no sanciona meterse con chicas; la publicidad es un agente muy poderoso” Entrevista no Faro de Vigo á profesora Mª José Méndez (GEFIL/USC)

Achegamos o artigo completo publicado no Faro de Vigo, “La sociedad no sanciona meterse con chicas; la publicidad es un agente muy poderoso”, froito da entrevista á profesora Mª José Méndez, pertencente ao grupo GEFIL da USC e autora do estudo de Violencia 2.0 en Adolescentes.

mmendezfarovigo.jpg

Accede ao artigo en PDF no seguinte enlace:

Ler máis...

A recoñecida profesora Joyce Epstein imparte un Seminario Internacional sobre “Programas efectivos para mellorar a implicación das familias nas escolas” na Facultade de CC. da Educación da USC

20171107_104344.jpg

Na tarde do mércores 8 de novembro remataban as sesións de formación impartidas por Joyce Epstein, da Johns Hopkins University (EE.UU), recoñecida especialista no ámbito da educación, familia e escola.

Estas sesións formaban parte do Seminario Internacional “Programas efectivos para mellorar a implicación das familias nas escolas”, organizado polo grupo ESCULCA da RIES, e desenvolto do 6 ao 8 de novembro na Facultade de CC. da Educación do Campus Vida da USC.

Durante as tres sesións, a profesora Epstein compartiría as súas experiencias investigadoras e prácticas en relación ao tema, presentando inicialmente o corpo teórico sobre a eficacia dos programas relacionados coa escola, a familia e a comunidade na mellora do éxito escolar, pasando pola organización da práctica na procura do éxito escolar a partir da configuración de equipos de intervención (alianzas familia-escola-comunidade), para finalizar cun achegamento ao tema dos deberes escolares como oportunidade para a interacción entre escola e familias e o fomento da implicación parental.

+Info

Ler máis...

Seminario sobre Responsabilidade Social e Innovación Educativa: a aprendizaxe servizo como ferramenta para a inserción laboral (USC)

cartel_aps2017.jpg

O próximo xoves 23 de novembro, na Facultade de Matemáticas da USC, terá lugar un Seminario sobre Responsabilidade Social e Innovación Educativa: a aprendizaxe servizo como ferramenta para a inserción laboral, organizado pola Vicerreitoría de Estudantes e coa colaboración do grupo ESCULCA da USC

Os obxectivos do seminario son:

  • Promover a implicación do estudantado universitario en actividades de responsabilidade social que poidan optimizar a súa aprendizaxe académica.
  • Potencial o rol da universidade como axencia dinamizadora da aprendizaxe cívica dos seus estudantes.
  • Estudar a conexión entre os procesos de educación non formal e as canles de inserción laboral desde a educación superior

+Información co programa e matrícula no seguinte enlace:

Ler máis...

Publicación do Informe sobre os Deberes Escolares (GIPED, UdC)

deberes.jpg

Achégase a publicación (PDF) do Informe sobre os Deberes Escolares realizado polo grupo GIPED da UdC dirixido polo profesor Antonio Valle, presentado recentemente ante os medios de comunicación na Cidade da Cultura de Santiago de Compostela.

Este informe foi feito grazas á financiación do proxecto de investigación EDU2013-44062-P (MINECO), e ás Axudas do Programa de Consolidación e Estructuración de Unidades de Investigación Competitivas (Ref. GPC2015/026) concedidas pola Consellería de Cultura, Educación e Ordenación Universitaria da Xunta de Galicia ao Grupo de Investigación en Psicoloxía Educativa (GIPED) da Universidade da Coruña e á Rede de Investigación RIES (Rede de Inmigración, Educación e Sociedade).

 +Info co acceso ao enlace de descarga

Ler máis...

 

Home