Novas

Bases para a concesion de axudas para estadías de persoal en formación (Grupos Rede RIES)

LOGO RIES COLORsPublicadas as bases para a concesion de axudas para estadías de persoal en formación da Rede RIES. As axudas teñen por obxecto reforzar o programa formativo e acelerar a realización da tese de doutoramento do persoal en formación dos grupos de investigación que integran a rede RIES.

Prazo de presentación: do 15 ao 30 de maio de 2017

Ver bases

Estadía da profesora Maria do Céu Taveira (Universidade do Minho, Braga), na Facultade de CC. da Educación da USC

20170511 134635Dende o pasado martes e ata o 17 de maio, a Facultade de CC. da Educación, co GI DIOEP e a Rede RIES como anfitrións, recibe a visita da profesora Maria do Céu Taveira, pertencente á Escola de Psicoloxía da Universidade do Minho (Braga), e coordinadora do grupo de investigación Desenvolvimento da Carreira (http://www.eq4cci.com).

A profesora Taveira é unha recoñecida especialista a nivel internacional no ámbito da Orientación Profesional, con numerosísimas achegas de carácter científico, así como promotora de eventos científicos de carácter internacional como será o próximo Seminário Internacional: Desenvolvimento de Carreira e Aconselhamento num Mundo Plural e Desafiador, a celebrarse en Braga o 13 de xullo de 2017.

Conferencia de Margarita Pino, «Innovación metodolóxica. Un reto para a escola do século XXI»

margarita pino juste def maxwidthHoxe xoves 11 de maio, na sede de AFundación de Pontevedra a profesora Margarita Pino, do GIES 10 da Universidade de Vigo, impartirá a conferencia «Innovación metodolóxica. Un reto para a escola do século XXI».

Esta conferencia, enmarcada dentro do ciclo Educación e docencia no s. XXI, abordará as respostas que debe afrontar a escola ante os novos retos que se lle propoñen ao alumnado actual.

+Información aquí (AFundación)

IV Seminario de Formación para o Traballo (Santiago de Compostela)

CARTEL

O vindeiro 19 de maio, celebrarase na Facultade de Ciencias da Educación (Campus Vida). IV Seminario de Formación para o Traballo. Novos horizontes para a Pedagoxía Laboral, organizado polos grupos de investigación ESCULCA e GEFIL, pertencentes á RIES.

Así mesmo, ábrese a posibilidade de participar, ademais de como asistente, elaborando un póster sobre algunha das temáticas do Seminario.

O prezo é de 25 euros en matrícula xeral e de 15 euros 10 euros para estudantes.

O link para a inscrición é o seguinte: https://es.surveymonkey.com/r/IV_SEM_FORMyTRAB

O prazo para o envío de propostas de pósteres remata o próximo 28 de abril 12 de maio, e o prazo para realizar inscrición, o día 18 de maio.

Achégase o programa

Camiño dos 10 anos do Servizo de Recursos Psicopedagóxicos (USC)

419d8973 2ffb 4aed b56c 8855cd90871c originalNo ano 2007 poríase en marcha na Facultade de Ciencias da Educación (Campus Vida), o Servizo de Recursos Psicopedagóxicos (SRP), no seu día iniciado e coordinado pola profesora Paula Outón (GI ESCULCA).

Na actualidade, o SRP está coordinado pola profesora Elena Fernández, e en colaboración co resto de membros do GI DIOEP.

O fondo do Servizo posúe case 200 recursos psicopedagóxicos para préstamo (tests, probas, cuestionarios, escalas, programas..) xunto con outros materiais históricos para consulta en sala, estando a disposición de toda a comunidade educativa da Facultade.

Pode atoparse máis información sobre o SRP no seu site: http://srpusc.blogspot.com 

 

Home