Quen somos

A Rede de Investigación RIES (Rede de Inmigración, Educación e Sociedade) é un proxecto de traballo en rede no ámbito das Ciencias Sociais e Xurídicas no que están implicados sete (7) grupos de investigación das Universidades de Santiago de Compostela, Vigo e A Coruña, e que está financiada pola Consellería de Cultura, Educación e Ordenación Universitaria e polo Fondo Europeo de Desarrollo Regional. Todos eles traballan sobre educación e fluxos migratorios, formación laboral, pedagoxía intercultural, as TIC na educación e na formación, procesos de adquisición de segundas linguas ou avaliación de programas.

REDERIES 2015

Partimos da firme crenza de que traballar en rede compartindo coñecemento e experiencia permitirá rendibilizar máis as nosas investigación, facilitando maior transferencia de coñecemento e mesmo propostas e respostas máis eficaces diante das dificultades existentes.

Entre os obxectivos que nos propomos destacan o deseño de vías de intervención e desenvolvemento educativo para mellorar a inclusión social das persoas procedentes da inmigración, xunto á avaliación da calidade de plans, proxectos, programas e servizos vinculados á inserción social das poboacións migrantes, dentro e fora do noso país.

Aínda que a Rede nace como un proxecto universitario debe abrirse á sociedade galega para procurar un desenvolvemento eficaz e eficiente dos seus obxectivos, nun intercambio continuo con outras institucións e profesionais non universitarios. Xustamente, dende a Rede queremos que esta plataforma sexa o medio para favorecer ese achegamento e crear unha comunidade virtual de aprendizaxe compartido na sociedade galega.

 

Coordinador: D. Miguel A. Santos Rego

email: Este enderezo de correo está a ser protexido dos robots de correo lixo. Precisa activar o JavaScript para velo.

logo UE

 

 

 

  logo conselleria educ

 

Home