O próximo 25 de maio de 2018 celebrarase na Escola Galega de Administración Pública de Santiago de Compostela o II Simposio Internacional de Aprendizaxe-Servizo na Universidade. "Coidando a aprendizaxe e o capital social dos estudantes", co-organizado polo grupo ESCULCA da Rede RIES.
Entre os seus obxectivos están:
- Promover o coñecemento da metodoloxía da aprendizaxe-servizo como vía efectiva de innovación educativa na educación superior.
- Estudar o impacto da aprendizaxe-servizo nas dinámicas de avaliación da calidade nas universidades europeas.
- Examinar o grao de desenvolvemento do proceso de institucionalización da aprendizaxe-servizo nas universidades de España en xeral e de Galicia en particular.
- Dar conta de resultados na aprendizaxe e capital social dos estudantes universitarios acadados na investigación (Plan Nacional de I+D+i; Ref.:EDU2013-41687-R).
