O pasado venres 27 de abril celebrábase, na Facultade de CC. da Educación do Campus Vida da USC un Seminario de Doutoramento en Educación organizado pola RIES sobre "O cerne da traxectoria investigadora", no que terían presenza tanto investigadores principais como en formación de todos os grupos da Rede, presentando as súas liñas de investigación, así como o avance dos seus respectivos proxectos e traballos de tese.
De forma complementaria, desenvolveríanse dúas conferencias. Na primeira delas, o profesor José Muñiz, da Universidade de Oviedo, incidiría na importancia do rigor metodolóxico na investigación educativa e as claves da súa proxección para a publicación en revistas de impacto. Na segunda, o profesor Julio Vera, da Universidade de Málaga, trazaría as perspectivas e eixos de acción de futuro no campo da investigación educativa.
+Fotografías do Seminario a continuación
Situar 1/3 
