O curso, desenvolto polos profesores Gaspar Broullón e Lorena Casal, tivo lugar o día 27 de xuño na Facultade de CC. da Educación do Campus Vida da USC, contando coa participación de membros dos diferentes grupos de investigación da Rede RIES.

Entre as súas finalidades a destacar estaban coñecer as nocións fundamentais para o deseño de material audiovisual; identificar aspectos que melloran a efectividade didáctica dun vídeo; aprender a realizar un proxecto para a creación de material audiovisual; realizar un guión para a implementación dun vídeo, coa idea de contribuir á divulgación da actividade dos grupos da RIES.