A pasada semana tiña lugar na Universidade de Vigo, o concurso no que a profesora Margarita Pino, pertencente ao grupo GIES 10 da Rede RIES, lograría a súa promoción a Cátedra pola citada Universidade.

Como Licenciada en Filosofía e Ciencias da Educación, Doutora en Ciencias da Educación, e pertencente á Área de Didáctica e Organización Escolar, coordina o grupo GIES 10, tendo desenvolvido investigacións en relación á educación para a saúde, a exclusión social en colectivos de risco, a diversidade e a resolución de conflitos, así como en relación ao deseño e avaliación de programas educativos.

Dende a RIES felicitamos á profesora Pino polo seu logro.