Ven de ser publicado no libro “Violencias de género en entornos virtuales” un capítulo referido a “Los centros coeducativos ante la violencia de género en las redes sociales”, no que é coautora a profesora Mª José Méndez, do grupo GEFIL da RIES.

Dos días 26 a 28 de novembro na EKS de Praga véñense desenvolvendo as sesión iniciais do Proxecto Erasmus + “CRUCIAL IMPACTS ON CAREER CHOICES” (CICC), no que participa como socio o grupo DIOEP da USC.

A profesora Diana Priegue Caamaño, do grupo ESCULCA, resultou acreditada pola ANECA para a figura de profesor Titular de Universidade.

Os días 9 e 10 de novembro celebrouse, na facultade de Ciencias da Educación do Campus Vida da USC, o XII Seminario Nacional de Atención educativa ao alumnado inmigrante, organizado, un ano máis, polo grupo ESCULCA, e que novamente resultou de grande interese para a comunidade educativa.

Vense de publicar en outubro no GALEDUSO, revista do Colexio de Educadoras e Educadores Sociais de Galicia, o artigo “Educación Social na Facultade de Ciencias da Educación da Universidade de Santiago de Compostela”, da profesora Cristina Ceinos, pertencente ao grupo DIOEP da USC.

Alba Sotomayor, doutoranda en Educación titorizada pola profesora Mª del Mar Sanjuán, do grupo GEFIL da USC, resultou seleccionada para a fase final dos premios “Woman Explorer Awards” polo seu proxecto “Hospiband”, dirixido á comercialización de pulseiras intelixentes usadas por pacientes hospitalarios.

O pasado martes 30 de outubro tiña lugar no Salón de Actos da Facultade de CC. da Educación da USC a xornada “O Audiovisual como ferramenta de inclusión socioeducativa”, na que se proxectarían o documental “Máis ca vida” e a curtametraxe “Vida” dirixidos por Rubén Riós.

O pasado mércores 31 de outubro ás 11:30 h. no Salón Reitoral (Colexio de San Xerome) da USC, tivo lugar a presentación do libro "Guía para la institucionalización del aprendizaje-servicio en la universidad", editado baixo a coordinación dos profesores do GI ESCULCA, Miguel A. Santos Rego e Mar Lorenzo Moledo.