En tempos de confinamento boas son as lecturas. Os grupos da Rede RIES teñen publicado diferentes obras multi-temáticas, de interese para todos e todas. Na sección de publicacións dos grupos de investigación pódense atopar as fichas e referencias de libros, capítulos de libro, artigos e outras obras nas que teñen participado os seus membros.
La Voz de Galicia recolle o éxito na presentación e defensa da Tese de Doutoramento de Iris Estévez Blanco, co-dirixida por Mercedes Sanmamed e Antonio Valle (este último coordinador do GIPED da RIES), na Universidade da Coruña.
A tese, en relación ás ecoloxías de aprendizaxe do profesorado universitario de ciencias da saúde, ten a peculiaridade de ter sido defendida telemáticamente ao atoparse a Universidade en situación de peche físico por causa das medidas contra o COVID-19.
Un novo grupo de investigación pasa a formar parte da Rede RIES. Trátase do Grupo de Investigación Educativa MESTURA, da Universidade de Santiago de Compostela e pertencente ao Departamento de Pedagoxía e Didáctica, que está coordinado polo profesor Pablo Muñoz Carril.
Os profesores Antonio Valle e Susana Rodríguez, do GIPED da UdC, a profesora Mar Lorenzo, do GI ESCULCA da USC, xunto co profesor Pedro Rosário, da universidade do Minho, veñen de editar o monográfico “Homework, Learning and Academic Success: The Role of Family and Contextual Variables”, publicado na revista Frontiers in Psychology.
USC- GI ESCULCA-Rede RIES, organizan o Curso online de Introdución ao AMOS que terá lugar entre os días 20 e 24 de abril de 2020.
Este curso, dirixido a estudantes de doutoramento, desenvolverase de xeito virtual a través da ferramenta Microsoft Teams e abordará os seguintes contidos: análise factorial exploratorio (AFC), análise factorial confirmatorio (AFC) e análise de vías (path analysis).
Achegamos información dunha recente publicación no seo do grupo ESCULCA da USC, derivada do Proxecto UNINTEGRA. Trátase da Guía de integración para personas refugidas en Europa (2019), coordinada pola profesora Mar Lorenzo.
O pasado 17 de febreiro celebrouse na Universidade de Salamanca o seminario “La internacionalización de la investigación y la innovación en las Ciencias de la Educación”, organizado no seo da rede de excelencia “Universidad, Innovación y Aprendizaje en la Sociedad del Conocimiento” (UNIASC), coordinada polo grupo ESCULCA da USC.
Este martes día 11 de febreiro, terá lugar na Facultade de Ciencias da Educación do Campus Vida da USC a I Xornada de educación na cidadanía dixital responsable, organizada polo grupo ESCULCA da Rede RIES.
Abordaranse algúns dos principais aspectos a ter en conta sobre a prevención de riscos nos usos de tecnoloxías na infancia e adolescencia.
O día 26 de marzo deste 2020 celebrarase un novo Seminario de Doutoramento, titulado este ano “O Doutoramento en Educación: rutas para xerar coñecemento”.
Terá lugar na Sala de Xuntas da Facultade de CC. da Educación (Campus Vida).
Coordinará a actividade a profesora Cristina Varela.
O grupo TECNOEDUC da RIES, coordinado pola profesora Beatriz Cebreiro, vén de conseguir un financiamento de 1,5 millóns de euros para investigación educativa a través de varios proxectos de investigación presentados en convocatorias competitivas europeas.
Noticias da Web no mail
Eventos de interese
Últimos engadidos
| Sen eventos |
IEG 2002-2014
Boletín RIES
Último nº: 22 [xuño 2022]
Grupos de Investigación
Servizos
Usuari@s en liña
Temos 22 anónimos e ningún membro en liña
Visitas
© 2009-2024 by GPIUTMD