Inicia o seu camiño a “Revista Educación Investigación, Innovación y Transferencia” (REIIT), que nace por iniciativa da Facultade de Educación da Universidade de Zaragoza.
A revista consta de tres seccións: Investigación, Innovación e Transferencia. Esta publicación é anual e trabállase mediante revisión cega por pares. Cada número estará composto por tres artigos de Investigación, tres de Innovación, e un ou dous de Transferencia. Todos os artigos tratarán de contribuír á investigación educativa nacional e internacional nas súas diferentes etapas e niveis desde unha perspectiva interdisciplinar, segundo se achega no chamamento a contribucións aberto ata o 15 de abril de 2021.
O coordinador da Rede RIES, o profesor Miguel A. Santos Rego, actuará como Editor dun número monográfico sobre “Transversal Competencies, Higher Education and Employment” na revista Education Sciences. Ademais do profesor Santos Rego, o equipo editorial está conformado polas profesoras Concepción Naval Durán (Universidade de Navarra) e Sofía Castanheira Pais (Universidade de Porto).
Datas de interese:
Vénse de publicar un artigo realizado por Anaïs Quiroga Carrillo, Jesús García Álvarez e Mar Lorenzo Moledo, membros do GI ESCULCA, na revista Dirigir & Formar, titulado “Los programas de inserción sociolaboral para las personas reclusas en España”. Este artigo derívase da selección das comunicacións presentadas no 21 Congreso Internacional Galicia/Norte de Portugal de Formación para o Traballo.
O pasado 12 de xaneiro tivo lugar a defensa da tese de doutoramento de Ana Vázquez Rodríguez (ESCULCA), que leva por título “Educación No Formal y Empleabilidad de la Juventud. Algunas evidencias desde el análisis de dos programas”, na Sala de Xuntas da Facultade de Ciencias da Educación (Campus Vida).
A Rede RIES deséxavos unhas felices festas e próspero 2021 logo dun ano que imos deixando atrás moi complicado para todo o mundo. Moita saúde para tod@s!
Dispoñible para lectura e/ou descarga o Boletín nº 19 da Rede RIES, derradeiro do ano 2020.
O vindeiro 12 de xaneiro de 2020 terá lugar a defensa da tese de doutoramento de Ana Vázquez Rodríguez, pertencente ao GI ESCULCA, que leva por título “Educación No Formal y Empleabilidad de la Juventud. Algunas evidencias desde el análisis de dos programas”. Desenvoverase na Sala de Xuntas da Facultade de Ciencias da Educación (Campus Vida) baixo as normas anti-COVID da USC.
En setembro iniciáronse as actividades do proxecto Guiding Schools: Mellora dos estándares de calidade para a carreira aprendizaxe e orientación (Erasmus Plus 2020-1-IT02-KA201-079116), aprobado cunha puntuación de 97,5 / 100, cunha vixencia para o período que vai de setembro de 2020 a setembro do 2022, e no que o grupo DIOEP participa en calidade de socio, xunto con outras institucións de Italia, Suecia, Noruega, República de Macedonia do Norte, Bélxica e Alemaña.
O GI ESCULCA da rede RIES, no marco do Proxecto Nacional Implica2 “Implicación familiar e rendemento académico en Educación Primaria. A efectividade dun programa para pais e nais”, organizará as "Xornadas sobre Implicación familiar no fogar: O programa Implica2", a celebrar online o 11 de decembro de 2020.
A data límite para efectuar a inscrición é o 9 de decembro.
Enlace ao formulario de inscrición:
Diversos membros do grupo de investigación DIOEP contribuíron ao libro “International Perspectives on Research in Educational and Career Guidance” da recoñecida editorial Springer, coa participación no capítulo denominado Competences Analysis in Initial Training of Secondary Education Counsellors and European Standards, recentemente publicado.
Noticias da Web no mail
Eventos de interese
Últimos engadidos
| Sen eventos |
IEG 2002-2014
Boletín RIES
Último nº: 22 [xuño 2022]
Grupos de Investigación
Servizos
Usuari@s en liña
Temos 13 anónimos e ningún membro en liña
Visitas
© 2009-2024 by GPIUTMD