O Grupo de Investigación en Psicoloxía Educativa (GIPED) da Universidade da Coruña, en colaboración con investigadores/as doutras universidades e cun grupo de profesores/as dos últimos cursos de Educación Primaria, deseñaron un método para a prescrición de deberes escolares de calidade. Trátase do Método de Implementación de Tarefas para a Casa (MITCA), que ten como propósito converter os deberes escolares nun recurso educativo capaz de mellorar a autorregulación da aprendizaxe e o compromiso escolar dos estudantes.
Enlace de vídeos ao MITCA:
No seo da Cátedra de Hidroloxía Médica da USC, e desenvolta por parte do GI Tecnoeduc, nacía a guía didáctica Os Balenarios de Galicia, presentada e difundida dende a USC e Xunta de Galicia entre outras institucións, e diferentes medios de comunicación. Recentemente La Voz de Galicia recollía unha entrevista a unha das súas autoras, Lorena Casal (Tecnoeduc), na que pon en valor esta guía como recurso didáctico innovador para traballar diferentes temáticas e desenvolvemento de competencias favorecedoras do desenvolvemento integral do alumnado da Educación Primaria e da ESO.
O próximo 12 de novembro celebrarase o Seminario Nacional “El futuro de la formación del profesorado universitario”, en modalidade online, organizado pola Rede de Excelencia “Universidad, Innovación y Aprendizaje en la Sociedad del Conocimiento” (UNIASC), que coordina o GI ESCULCA da Rede RIES.
O grupo GIPED da rede RIES e a Universidade da Coruña organizan entre o 15 e o 16 de decembro do 2020 o I Congreso Internacional de Psicología Educativa (CIPED) en modalidade online.
O congreso ten como propósito constituír un foro de debate sobre os principais tópicos de investigación no campo da psicoloxía educativa e doutras áreas afíns da psicoloxía e a educación.
A actividade académica reactívase axustada á realidade condicionada polo COVID-19. Moitas xornadas, congresos, etc. adoptan a modalidade de encontros virtuais.
Por exemplo, destacamos, entre outros, os orgaizados pola Rede educativa DIM-EDU:
Os grupos de investigación da RIES continuaron e continúan coas súas actividades en diferentes proxectos, condicionadas pola situación derivada do COVID-19. As sesión virtuais foron o común denominador para poder desenvolver as diferentes tarefas programadas para un contexto ben diferente do que se está a vivir na actualidade en todo o mundo.
O pasado 22 de xullo, nunha modalidade mixta (presencial e telemática) debido á pandemia da COVID-19, investigadores dos grupos de investigación que conforman a Rede UNIASC e a Rede RIES presentaron os seus traballos no Seminario de Doutoramento, “O doutoramento en educación: rutas para xerar coñecemento”, celebrado na Facultade de CC. da Educación (Campus Vida) da USC.
Achéganse as bases do X Premio José Manuel Esteve, promovido pola Facultad de Ciencias de la Educación da Universidad de Málaga, co fin de recoñecer e lembrar o labor docente e investigador no campo da Pedagoxía do que fora catedrático de Teoría da Educación da citada universidade e Doctor Honoris Causa pola Universidad de Oviedo, profesor José Manuel Esteve Zarazaga.
Dispoñible para lectura e/ou descarga o Boletín nº 18 da Rede RIES, con todas as novas da Rede nestes últimos meses, tan atípicos pola realidade do COVID-19, e coa previsión de próximas actividades.
En tempos de confinamento boas son as lecturas. Os grupos da Rede RIES teñen publicado diferentes obras multi-temáticas, de interese para todos e todas. Na sección de publicacións dos grupos de investigación pódense atopar as fichas e referencias de libros, capítulos de libro, artigos e outras obras nas que teñen participado os seus membros.
Noticias da Web no mail
Eventos de interese
Últimos engadidos
| Sen eventos |
IEG 2002-2014
Boletín RIES
Último nº: 22 [xuño 2022]
Grupos de Investigación
Servizos
Usuari@s en liña
Temos 14 anónimos e ningún membro en liña
Visitas
© 2009-2023 by GPIUTMD