Vén de publicarse na revista RELATEC o artigo “Impacto del uso de materiales audiovisuales para el aprendizaje de danzas y bailes tradicionales en la formación de estudiantes universitarios”, realizado por Carol Gillanders, José Eugenio Rodríguez e Raúl Eirín.

O GI Esculca, no marco do Proxecto UNINTEGRA, organiza a Xornada Unintegra: Guía para a integración de persoas refuxiadas, que terá lugar o vindeiro 29 de novembro na Aula Frei Martín Sarmiento da Facultade de Ciencias da Educación (Campus Vida - USC). Para esta Xornada, contarase coa colaboración de profesionais do ámbito laboral, educativo e social de entidades galegas que traballan directamente coas persoas refuxiadas.

Do 28 ao 30 de outubro, Elena Fernández e Cristina Ceinos, do grupo DIOEP da RIES, participarían nunha nova xuntanza de traballo do Proxecto Europeo Erasmus + “Crucial Impacts on Career Choices (CICC)” celebrada no VIA University College (VIA) de Aarhus (Dinamarca).

Alexandre Sotelino, do GI ESCULCA figura entre os once docentes galegos finalistas dos Premios Educa Abanca ao Mellor docente de España, na categoría de docencia universitaria, por segundo ano consecutivo.

Logo de procederse coa baremación de méritos, os premios serán entregados entre os días 27 e 29 de febreiro de 2020 en Santiago de Compostela.

En La Voz de Galicia recóllese a entrevista realizada recentemente ao profesor Sotelino onde describía as súas impresións sobre o seu oficio docente e o que supón a súa nominación para estes premios.

Dende a Rede RIES desexámoslle moita sorte.

A profesora María José Méndez, do grupo GEFIL e a investigadora predoutoral Alba Elena Martínez, do grupo TECNOEDUC, recibiron o terceiro premio na X Edición dos Premios á Introdución da Perspectiva de Xénero na Docencia e na Investigación da Universidade de Santiago de Compostela.

A proposta docente galardoada tiña como titulo “Introdución da perspectiva de xénero no estudo das adiccións”, e foi desenvolta na materia “Acción Socioeducativa nas Adiccións” do Grao en Educación Social.

O pasado xoves, Ígor Mella, membro do grupo ESCULCA, defendeu con éxito a súa tese de doutoramento titulada “Aprendizaje-servicio y rendimiento académico del alumnado universitario. La evaluación de un programa”.