O pasado 12 de marzo o coñecido diario El Economista publicaba unha reportaxe sobre o GI ESCULCA da USC elaborada a partir dunha entrevista ao seu coordinador, o Catedrático Miguel A. Santos Rego.

A profesora Mar Lorenzo (ESCULCA-USC), participou como especialista no programa dedicado á metodoloxía da Aprendizaxe-Servizo producido pola UNED, "Aprendizaje Servicio. Contribuyendo al cambio", online dende o 9 de marzo na web da RTVE.

O pasado 9 de marzo celebrábase o día de Frei Martín Sarmiento, patrón da Facultade de CC. da Educación da USC, con protagonismo para membros da rede RIES. Así, participaría como conferenciante principal no acto celebrado no Salón Nobre de Fonseca, o profesor Antonio Rial, coordinador do grupo GEFIL da USC, abordando o tema da Pedagoxía Laboral.

Publicamos as bases para a concesión de axudas para estadías de persoal en formación na Rede RIES-2018 que se atopa no proceso de realización da súa Tese de Doutoramento.

Actualizada a sección de bolsas e convocatorias da web RIES coas novidades DOG  do mes febreiro de 2018:

O pasado 2 de marzo presentouse no Pazo Provincial de Ourense, o libro Vulnerabilidade, formación para o traballo, orientación e comunidade na eurorrexión Galicia–Norte de Portugal, coordinado polos profesores do grupo GEFIL, Margarita Valcarce e Antonio Rial, no que se analiza o valor do traballo e as debilidades que se presentan no ámbito laboral en épocas de crise.

O GI ESCULCA xunto á EGAP e coa colaboración da ACSUG están a organizar o II Simposio Internacional de Aprendizaxe-Servizo na Universidade,que se celebrará o vindeiro 25 de maio na sede da Escola Galega de Administración Pública.

Pronto máis información.

Publicado artigo da profesora Raquel Mariño, do grupo GEFIL (USC), en co-autoría coa Profesora Mª Dolores Fernández Tilve, no ultimo número da Revista Lusófona de Educação, co título Proyectos de inserción laboral en tierra de nadie: el caso de las mujeres refugiadas.