Os días 12 e 13 de novembro de 2015 no Salón de Actos da Facultade de Ciencias da Educación da Universidade de Málaga, celebrarase o II Seminario Estatal de Interculturalidad, Comunidad y Escuela.

O venres pasado, os membros da Rede RIES celebraron o 60 cumpreanos do seu Coordinador, D. Miguel Santos Rego, compartindo con el un bo momento antes de seguise coa intensa actividade docente e investigadora que caracteriza a súa vida na USC.

Felicidades!

Máis novidades en relación a congresos, seminarios e xornadas. Nesta ocasión se achega información sobre a celebración do XVII Congreso Internacional de Galicia e norte de Portugal de Formación para o Traballo, no que o GI GEFIL participa na súa organización.

Vénse de publicar na revista Tendencias Pedagógicas un artigo elaborado polos profesores Cristina Ceinos e Miguel Nogueira, pertencentes ao GI DIOEP, sobre a influencia da tablet dixital no desenvolvemento infantil e as súas implicacións na orientación familiar.

Na sección de Formación da web RIES atópase información relativa a congresos, seminarios, xornadas... que poden resultar de interese.

A mañá do sábado 12 de setembro, e nun escenario propicio para a ocasión, o Salón Nobre do Pazo de Fonseca, tiña lugar a última sesión do CIATEF 2015. O cansanzo acumulado nos participantes iríase disipando segundo transcorrían as últimas ponencias a cargo do Dr. Pedreira, xunto coa de clausura realizada polo Dr. Carracedo, onde nos falou das innovacións na investigación xenética e a súa aplicación práctica xunto coa atención temperá.

O venres 11 de setembro, festivo na USC por coincidir co acto inaugural do curso académico 2015-2016, o CIATEF non afrouxaría o seu ritmo e continuou desenvolvendo as súas actividades en todo o complexo de edificios das Facultades de CC. da Educación  e Psicoloxía. Conferencias plenarias, simposios, pósteres e as últimas mesas de comuncacións encherían o programa ofertado aos asistentes.

A mañá do xoves 10 de setembro iniciose o CIATEF 2015 con múltiples actividades, destacando os obradoiros celebrados de forma simultánea con temática variada en relación coa atención temperá e a educación familiar (tecnoloxías, sistemas aumentativos e alternativos de comunicación, intervención psicomotriz).